Ошо көндәрҙә Мәмбәтҡолов исемендәге Сибай педагогия колледжының ятағында студенттар советы тарафынан әҙерләнгән сара үтте. Унда һәр бер этаждың беренсе курс студенттары сәхнәлә һәләттәрен һәм оҫталыҡтарын күрһәтеү аша үҙҙәре менән ныҡлап таныштырҙылар. Тамашасыларыбыҙ- юғарыраҡ курстар сығыштарҙы ҙур ҡыҙыҡһыныу менән һоҡланып, алҡыштарға күмеп ҡабул иттеләр. «Атайымдың хаттары», «Мине көтә йыһан», «Ятаҡ тормошо», тигән йырҙар, испан, башҡорт, заманса бейеүҙәр, «Уҡыу барышы студенттарҙың ҡарашы менән», тигән сәхнәләштереү ҙур алҡыштарға лайыҡ булды.Байрамға саҡырылған ҡунағыбыҙ, колледждың тәрбиәүи эштәр буйынса директорҙың урынбаҫары Ғибаҙуллина Мәстүрә Ҡазыхановна йылы һүҙҙәр, изге теләктәр менән сығыш яһаны. Тәрбиәселәребеҙ менән бергә жюри төркөмөндә эшләп һөҙөмтәләр менән таныштырҙы. Иң ҡыуаныслыһы- тәмле приздар тапшырылды. Беренсе курстарҙы тамашаға әҙерләгән Студенттар советы матур итеп сәй табыны ойошторҙо.Барыһы ла матур һәм шәп үтте. Шундай бүләктәргә лайыҡ булғаныбыҙ өсөн колледж администрацияһына ҙур рәхмәттәребеҙҙе еткерәбеҙ. Киләсәктә тағы ла ошолай күңелебеҙгә ятҡан, файҙалы ла, фәһемле лә саралар үткәрәсәкбеҙ.